OOR ONS

Welkom by Pragtige Jy ~ Is Genoeg

Hierdie vroue bediening is nie net 'n roeping nie. Dit is 'n getuienis van die ongeëwenaarde krag, genade en liefde van Jesus. Elke woord wat ek spreek, skryf of deel, is gewortel in die verhaal van Sy wonderwerke in my lewe . 'n Verhaal van oorlewing, genesing en verlossing wat Sy getrouheid en soewereiniteit openbaar.

Jesus het my teruggebring van die randjie van die dood na 'n motorongeluk, my liggaam genees en my verstand van breinskade herstel. Hy het my aangeraak toe ek die vernietigende werklikheid van kanker in die gesig gestaar het, en bewys dat niks vir Hom onmoontlik is nie. Hy het my deur die donker valleie van mishandeling en verwerping gedra, en my wonde omskep in getuienisse van oorwinning en hoop.

Deur elke storm het Sy liefde my onderhou. Deur elke triomf het Sy hand my gelei. Ek is 'n lewende bewys van Sy wonderwerke . 'n Getuie van die transformerende krag van Sy teenwoordigheid. Hierdie bediening is toegewy daaraan om daardie hoop en waarheid oral met vroue te deel.

As spreker, berader, profetiese stem en skrywer poog ek nie net om te bemagtig nie, maar om elke vrou te herinner dat dieselfde Jesus wat my genees, verlos en onderhou het, gereed is om ook berge in haar lewe te versit. Of jy nou pyn, verlies, verwerpin of onsekerheid in die gesig staar, of bloot smag na 'n dieper verbintenis met God, my hartsbegeerte is om jou na die Verlosser te wys wat nooit faal nie.

Deur profetiese bediening, motiveringspraatjies en opregte boodskappe deel ek die skoonheid van oorgawe. Die krag vir geestelike oorlogvoering en die vrede wat gevind word in rus oomblikke by die voete van Jesus. Dit gaan nie net oor aanmoediging nie. Dit gaan oor lewensveranderende ontmoetings met Jesus wat ontsag, geloof en hoop inspireer. Om weer opnuut die liefde van Jesus te leer ken en te ontvang. Sit jou kroon terug dogter van God.